සෙනහසකට අරුතක් පුවන්නට අහසේ තරු ගැන්නා වෙරළේ රළ මැන්නා...

"සෙනහසකට  අරුතක් පුවන්නට

අහසේ තරු ගැන්නා

වෙරළේ රළ මැන්නා.....

සීමාවක් මායිමක් නැතැයි කී

සෙනෙහස ඇයි දෙතැනක තනිවී....."

සෙනෙහසකට අරුතක් සොයන්නට අහසේ තරු ගණින වෙරළේ රළ මනින  පෙම්වතුන් පෙම්වතියන් කොතෙකුත් වේද?ඇත්තටම ආදරේ කියන්නේ පිවිතුරු හැඟීමක්.ඒ වගේම ආදරය කියන්නේ සාගරයක් වගේ සාගරයේ රැළි වගේ. සීමාවක් නෑ.ප්‍රමාණයක් නෑ.සමහර වෙලාවට ආදරය කියන්නේ වේදනාවක්.ඒ වේදනාව සිතට දැනෙන්නේ අපි සාගරයක් වගෙ සාගරේ රැළි වගේ ආදරේ කරපු නිසා එහෙම නැත්නම් ආදරය කරන නිසා.ඒ වගේම ආදරයෙන් නැගෙන වේදනාවටත් ඉතින් සීමාවක් නෑ.

හොඳ ආදරවන්තයෙක් හෝ ආදරවන්තියක් අවංක ආදරය රැකගන්න තමුන්ගේ ආදරය හැර අනෙක් ඕනෑම දෙක් කැපකරන්න සූදානම්.ඒ නිසාම හදවතේ නැගෙන ඒ සුන්දර හැඟීම සදාකාලිකවම තමා සතු කරගන්න උත්සහ දරණ ආදරවන්තයින් කියාගන්න බැරි තේරුම්ගන්න බැරි එකකම එක සොඳුරු සිතුවිල්ලක් වූ ආදරය ඉදිරියේ ආදරය ජීවිතේ  කොටසක් කරගනවා.ඒ වගේම ජීවිතය තිබෙන තුරාවට සදාකාලීකවම එකට සිටිමේ අදිටනින් ප්‍රේමයේ මිහිරි විදින්නන් ඒ මිහිරියා සදාකාලික කරගන්වා වෙනුවට පන දෙන්නට පෙම් කළ තම පෙම්වතා හෝ පෙම්වතියට විරහවක් අත්කර දෙන්නේ ද සීමානොවන  ප්‍රේමයේ මුල් කාලීන සිතුවිලි වලට සීමාවන් එක්කරලමින්.

ප්‍රණීත් අභයසුන්දරයන් විසින් පදරචනය කළ මහින්ද බණ්ඩාරයන් සංගීතවත් කළ අසංක ප්‍රියමන්ත පීරිස් විසින් ගායනා කරන සෙනෙහසකට අරුතක් පුරවන්නට ගීතය සීමා මායිම් නැතයි සිතා සිටින ආදරවන්තයින්ට ආදරවන්තියන්ට සැබෑ තතු පහදාදෙන්නකි.

හදවතේ උපන් ආදරයේ නාමයෙන් එකවහළක් යටට එක්වීමට පෙරුම් පිරූ යුවලකගේ අහඹු දුරස්වීමක දෝංකාරය මේ පදමාලාව තුළ අන්තර්ගව ඇත. උත්තරීතර ආදරයක මතකය කොච්චර ලස්සන උනත් අහිම ප්‍රේමය දැනෙන  වාරයක් වාරයක් පාසා නෙතට කඳුලුවගේම වෙනදා නොදැනුණ අමුතු තනිකමක් හිස් බවක් හිතට දැනෙනවා.මතකය සැරින් සැරේ සිත ගාව හොල්මන් කරනවා. ඒ නිසාම හදවත සිදුරු කරගෙන ලේ, ඇට, මස්, නහර හරහා ගොස් ආදරයේ වේදනාන දරාගන්න බැරිම තැන අන්තිමේදී ජීවිතයෙන් පලා යන්නො ද,මොනව කරත් ආදරය කරපු හිතකට වෛර කරන්න රිද්දන්න හිතන්නවත් බැ කියන්නෝද ආදරයයි වෛරයයි අතර වූ නූලක පරතරයක් අභිමුව තීන්දු තීරණ ගන්නේ සිතුවිලි පාලනයේ දුර්වලතාවයන් නිසාවෙනි.

සුන්දර ආදරය තාවකාලික නමුත් එයින් හටගන්නා වේදනාව සදාකාලිකයි.ආදරේ හරියට බිඳෙන වීදුරුවක් වගේ,ආදරේ කරනකොට ගොඩක් ශක්තිමත්,පැහැදිලිව එකිනෙකාට පේනවා.ඒත් ආදරේ බිඳුනම හරිම දුර්වලයි.ඒ බිඳුන ආදරේ කවදාවත් තිබුණ විදියට ආපහු හදන්න බෑ.

"බිඳුනොත් බඳුනක පිළියම් කරනට

බැරි කැළලක් මතුවී පෙනනා "

ඉතින් මේ ප්‍රේමයේ දිග්විජය  ලැබීමට පෙම්වතා ගත්තා වූ අපරිමිත උත්සහත් ඒහෙත් ඇය දිනාගැනීමට  ඒ හැම අවස්ථාවකදී ම ඔහුට නොහැකි වූ ආකාරය  හැඟම්බරව ප්‍රකාශ කරලීමට පදරචකයා සමත්ව ඇත්තේ ලොව වැඩිම කලක් පවතින ආදරය වන්නේ කිසිදා හිමි නොවූ ආදරයය යන්න පසක් කරමිනි.

"පවකින් පෙර අත් භවයක සිදුවූ

සිතකින් සිතකට දුක පිරුණා

මගෙ අත දිගුකල හැකි හැම තැනදී

ඔබ අත මා දුරකින් තිබුනා..."