අතීතයේ සිට වර්තමානය දක්වා මිනිසා විසින් විවිධ යුග ගණනාවක් පසු කරමින් වර්තමාන තාක්ෂණ යුගයට එළඹ ඇත. කලින් පැවති සෑම යුගයකටම වඩා වර්තමාන තාක්ෂණ යුගය ඉතාමත් දියුණු යි. මිනිසාගේ මෙම සීග්‍ර දියුණුවත් සමඟම ඔවුන්ගේ අවශ්‍යතාවයන් වගේම දැනුමත් වැඩි විය. ඒත් සමඟම අවශ්‍යතාවයන් පෙරට වඩා සංකීර්ණ විය.
තොරතුරු නිර්මාණය කිරීමට, කලමණාකරනය කිරීමට, එම තොරතුරු භාවිතා කිරීමට සහ එකිනෙකා සමග හුවමාරු කර ගනීම සදහා භාවිතා කරන තාක්ෂණය තොරතුරු හා සන්නිවේදන තාක්ෂණය නම් වේ.සන්නිවේදනය සහ තාක්ෂණය පුළුල්වීමත් සමඟ සමාජ මානවයා විශ්වය සමඟ තොරතුරු හුවමාරුකර ගැනීමේ පිපාසයකින් පෙළෙමින් සිටියි. මේ වන විට නූතන සන්නිවේදන විද්‍යාඥයන් ගවේෂණය කරනු ලබන්නේ අපගේ පෘථිවියෙන් බැහැර වූ වෙනත් ග්‍රහලෝකවල ජීවත්වන කිසියම් දියුණු ප්‍රාණීන් සිටී ද යන්නත්, එකී ප්‍රාණීන් සමඟ තොරතුරු හුවමාරු කර ගන්නේ කෙසේද? යන්නත්, පිළිබඳව ය.
මෙවැනි දියුණු සමාජ සංස්‌කෘතියක්‌ තුළ සන්නිවේදනය සහ තොරතුරු තාක්‍ෂණයෙන් තොරව කවර හෝ ජන සමූහයක පැවැත්මක්‌ ගැන සිතිය නොහැකිය. සන්නිවේදනය සහ තොරතුරු තාක්ෂණය මානවයාගේ සමාජ අවශ්‍යතාවක්‌ මෙන්ම සමාජ සබඳතා ගොඩනංවන ප්‍රධාන සාධකයක්‌ බවට පත් වී තිබේ. එසේම සන්නිවේදනය සහ තොරතුරු තාක්ෂණය මානව සමාජයේ ඉදිරි පැවැත්මට මෙන්ම මානව සංවර්ධනයට ද එක සේ බලපානු ලබයි.
ශ්‍රී ලංකාව වැනි දියුණු වෙමින් පවතින රටක තොරතුරු හා සන්නිවේදන තාක්ෂණය මගින් සිදුකළ හැකි මෙහෙවර අතිවිශාලය. දිනෙන් දින වෙනස්‌ වන සමාජය තුළ පොදු ජනතාවගේ විඥනය පුළුල් කරමින්, සමාජ සංවර්ධනයක්‌ සිදුකිරීමට යැමේදී සන්නිවේදනය සහ තොරතුරු තාක්ෂණය බෙහෙවින් උපකාරී වේ. එමෙන්ම අපගේ සමාජය අපේක්‍ෂිත ඉලක්‌ක කරා යොමු කරවීම සම්බන්ධව සහ නව මුහුණුවරකින් යුත් මාධ්‍ය සංස්‌කෘතියක්‌ නිර්මාණය කර ගැනීම වෙනුවෙන් ද මෙම තාක්‍ෂණික භාවිතාව වැදගත් වනු ඇත.තොරතුරු සහ සන්නිවේදන තාක්ෂණය විවිධ සමාජ ස්‌ථර නියෝජනය කරන ජන සමූහවල සන්නිවේදන අවශ්‍යතා වෙනුවෙන් සැලකිය යුතු කාර්යභාරයක්‌ සිදුකරනු ලබයි. මේ නිසාවෙන්ම සන්නිවේදන සහ තාක්‍ෂණික ක්‍රමවේද අපගේ ජන සමාජය තුළ ද දිනෙන් දින ප්‍රචලිත වෙමින් තිබේ. එබැවින් වේගවත් සමාජ සංවර්ධනයට මුහුණ දීම සඳහා නවීනත්වයේ පහසුකම් රිසි සේ පරිහරණය කිරීමට අපේ රටේ පුරවැසියන් ද හුරු විය යුතුය.ඒ සඳහා ජනතාවගේ සාමාන්‍ය දැනීම වර්ධනය කර ගැනීමට සහ වේගවත් සංවර්ධනය හමුවේ පොදු ජන විඥනය ඉහළටම නංවා, ජාතික සංවර්ධනයට සාර්ථකව මුහුණදීමට හුරුකර වීමේ අවශ්‍යතාවය ද සමස්ත සමාජයේම වගකීමක් විය යුතුය.
No comments:
Post a Comment