ටැටූ කියන්නේ
වෙනමම කලාවක් .හුගාක් අය
ඒකට ආසයි. සමහර ටැටූස් හරිම කලාත්මකයි.ටැටූ එකක් ගහන්න තීරණය කරන්නේ මොන හේතුව
නිසා වුණත් කවදාවත් මකන්න බැරි ටැටූ එකක් ඇගේ කොටා ගන්නවා කියන්නේ අමුතුම විදියේ
ආතල් එකක්.
කැන්වසය ලෙස
සම යොදා ගනිමින් , පින්සල් ලෙස උල් තුඩු සහිත උපකරණ භාවිත කරමින් ඇඳපු මුල්ම ටැටූ
වල කතන්දරය මායාවරුන්ගේ ශිෂ්ටාචාරයටත් එහා ඈත අතීතයකට දිවෙනවා. ටැටූ සමාජ තත්ත්වය
පිළිඹිබු කරණ සාධකයක් විදියටත්, මිය යාමෙන් පසු තමන්ගේ සමීපතමයන් දිව්‍ය ලෝකයේ දී
හදුනාගැනීම පහසු වනු පිණිසත් එක් එක් පවුල්වලට ආවේණික ටැටූ වලින් ඒ ඒ පවුල් ,සමාජක්‍රම
හදුනා ගැනීමත්, විවාහ කටයුතු වලදි තම කුලය සහ පවුලට ගැළපෙන සහකරුවකු සොයා ගැනීමටත්
වැදගත් සාධකයක් ලෙස මුල්කාලීනව යොදාගෙන තියෙනවා.
ටැටූ ගහන එක
එතරම් ලේසි පහසු වැඩක් නෙවෙයි. අතේ මුදලට සරිලන ලෙස වගේම මුදලේ ප්‍රමාණය මත
ටැටූස්හී ගුණාත්මක භාවය ද තීරණය වෙනවා. ඒ
වගේම ටැටූ ගහන්න හැමෝටමත් බෑ. ඒකට දක්ෂතාවය තියෙන්නම ඕනෑ. ටැටූ වර්ග අතුරින් පොලිනේඩියන්
ටැටූ, ට්‍රයිබල් ටැටූ, හයිඩා ටැටූ තාරුණ්‍යය අතර ජනප්‍රියයි. වේදනාව තුළින් මැවෙන
අලංකාරවත් ටැටූ කලාව පිළිබඳ මුල්කාලීන ජනතා විශ්වාසයන් වූයේ තරුණයෙකුට පච්චයකින්
දැනෙන වේදනාව දරාගත නොහැකි නම් ඔහු යුද්ධය සඳහා නුසුදුස්සකු ලෙසත්, තරුණියකට එම
වේදනාව දරාගත නොහැකි නම් ඇය දරුවෙකුට උපත දීම සඳහා නුසුදුස්සියක ලෙසත් ය.ටැටූ
කියන්නේ වාසනාව ලැබෙන සාධකයක් වශයෙන් ද චීන ජනයා විශ්වාසයන් ගොඩනගාගෙන තිබිණි.
ලෝකයේ බොහෝ රටවල ටැටූ කලාව ඉතාමත් ජනප්‍රියයි. ලාංකීය
සමාජය තුළ ඉස්සර නම් පච්ච ගහන් ඉන්න අය දිහා සමාජය බැලූවේ වපර ඇහැකින්. අයි.ආර්.සී
කාරයෝ කියලා නම් පටබැදුනෙත් ඔවුන්ට ඒ නිසායි. නමුත් අද තරමක් මතය වෙනස් වෙලා.
තාරුණ්‍යයේ විලාසිතාවන් අතර අලුත්ම විලාසිතාවක් ,ට්‍රෙන්ඩ් එකක් බවට ටැටූ පත්වෙලා.
ලස්සන වෙන්න විතරක් නෙමෙයි තමන් මොන වගේ ඇවතුම්, පැවතුම් තියෙන කෙනෙක් ද කියලා
සමාජයට පෙන්නන්න හොඳම ක්‍රමයක් විදියටත්, තමා සිතැගි දේවල්, අමතක නොවන දේවල් ,ප්‍රියතම
රූප ආදිය ටැටූ ලෙස ද කොටා ගන්නට ලාංකීය තාරුණ්‍යය පෙළඹිලා. ඒ නිසාවෙන්ම අද වෙන කොට
ගැහැණු පිරිමි බේදයක් නොමැතිවම ටැටූ කලාව ජනප්‍රිය වෙලා. අවබෝධයෙන් පමණක් නොව
අනවබෝධයෙන් ද ටැටූ ගැසීමට පෙළඹෙන තාරුණ්‍යය ලාංකීය සමාජ ක්‍රමය ,සංස්කෘතික
තත්ත්වයන් නිසාවෙන් දාමරිකයන් වශයෙන් විරුදාවලියන් එකක්රගත්ත ද වත්මනේ ටැටූ කලාව
ප්‍රකාශණ මාධ්‍යයක් බවට ද පත්වෙලා. ලාංකික තාරුණ්‍ය අතරත් දැන් දැන් ටැටූ සුලභ
විලාසිතාවක් වගේම ටැටූ උන්මාදයකුත් නිර්මාණය වෙලා. ඇත්තටම ටැටූ එකක් ඇදීම මහා ලොකු
වරදක් වගේ පෙණුනට ටැටූ ඇදීම මහා ලොකු වරදක් නොවේ.ටැටූ කියන්නෙත් අතීත සමාජ ක්‍රමයන්හී
පටන් වර්තමානය දක්වාම පැවත එන එක්තරා ජීවන රටාවක්, කලාවක්.
No comments:
Post a Comment