වෛද්‍ය උපාධිය මුඳලට විකිණීමේ ජාවාරමෙහි පුරෝගාමී මාලඹේ
සයිටම් ආයතනය අහෝසි කිරීමේ ඉල්ලීම් මුල්කොටගෙන දිවයින පුරා රජයේ වෛද්‍ය පීඨවල
සිසුන් ගෙන ගිය අඛණ්ඩ සත්‍යග්‍රහට පිළියමක් නොවූ තැන හෙන්චයියන්ගේ වුවමනාවන්ට
අනුව සයිටම් ආයතනයේ වෛද්‍ය විද්‍යාව
හැදැරැ උපාධිධාරීන් අභියාචනාධිකරණයේ ගොනු කරනු ලැබූ නඩුවේ තීන්දුව මඟින් මෙම
උපාධිධාරීන්ට වෛද්‍ය සභාවේ ලියාපදිංචිය
දෙන ලෙස නියෝග කරලීමත් සමඟ ඇවිලෙමින් තිබුණ නිදහස් අධ්‍යාපයේ ගිණිදැල් තවදවත්
බුරබුරා නැගෙන්නට අද වන විට පටන්ගෙනය.
නිසි සුදුසුකම් නොලබා, මුදල පමණක් ම සුදුසුකම කොටගෙන
සයිටම් ආයතනයේ ඉගෙනුම ලබන අල්ප සිසුන් පිරිසක් වෙත අනුකම්පා කරමින් කිඹුල් කඳුළු
හෙළා බලධාරින් ,සුදුසුකම් සපුරා රජයේ විශ්ව විද්‍යාලවල අධ්‍යාපනය සිදු කරන දස දහස්
ගණන් ශිෂ්‍යයින් තම දහදිය,රුහිරය ,කාලය කැප කරමින් ගෙන යන මේ සැබෑ අරගලය දෙස ඇස්
කොනින් හෝ නොබැලීම ඉතා සෝචණීය ය.මේ වූ කලී නිදහස් අධ්‍යාපනයේ මළගමෙහි පෙරනිමිති
නොවේ ද?
සරසවි ශිෂ්‍යයින්ගේ ඉල්ලීම් තම දෙපා මුල ගොඩ ගැසිි බොදවී
යද්දි ධනය බලය ඉදිරියේ එයින් නෙැවති අරගල කරමින් ඉදිරියටම ඇදෙන ශිෂ්‍යය ප්‍රජාවට
ඇතැම් අවස්ථාවන්හී දි බියවැද්දවීම් වලින් නොැවති මිලේච්ඡ ලෙස පාගා දමමින් ධනපති
පන්තිය කටයුතු කරයි.නමුත් මේ මිලේච්ඡ ප්‍රහාර වලින් ඉලක්ක වනුයේ සරසවි සිසුන් හිස
මතින් ගෙන ආ නිදහස් අධ්‍යාපනය සුරැකීමේ උදාරතර අරමුණ බව මුදල මත රජයන කාටකාටත්
අමතකව ගොස්ය. මෙය නම් සැබෑ ඛේදනීය තත්ත්වයකි.
අරගලයේ සැබෑ අරුත නොදන්නවුන්ගේ නින්දිත ක්‍රියාවන්
නිසාවෙන් අරගලය නොනවතිනු ඇත.නමුත් නැවත හෙට දිනයේ දී ද අරගලය හිස ඔසවනු ඇත. හෙටත්
කඳුළු ගෑස්,රබර් උණ්ඩ අසරණ සරසවි සිසුවෙකුගේ හිස ඉලක්ක කොට වැටෙනු ඇත.නමුත් උගුර
ලේ රසවෙනතෙක් කෑ ගසමින් දිවියම පරදුවට තබා
මේ කියන්නේ කුමක් ද යන වග ඉහළ පැලැන්තියේ ධනපතිවාදී අවි අතටගත්තවුන් පමණක් නොව
පොලිසීයේ මහත්වරුන් ද සිතා බලන්නේනම් ඔබ සැම හා පෞද්ගලික තරහක් නොමැති නිදහස් අධ්‍යාපනයේ
සුරැකුම්කරුවන් වන සරසවි ශිෂ්‍ය ප්‍රජාවගේම ඉලක්ක පෞද්ගලිකත්වය දිනවීම නොව නිදහස්
අධ්‍යාපනය අනාගත පරපුරට ද සුරැකීම බව පසක්වනු නොඅනුමානය.
No comments:
Post a Comment