රූපවාහිනී මේනියාව

        ලෝකයේ ප්‍රබලම කැමරාව මිනිස් ඇස් ය. කැමරාවක් දකින සියල්ල පටිගත කරගන්නා සේ මිනිස් ඇස් යුගලයත් දකින සියල්ල පටිගත කරගනියි.ඇසේ සිට මොළයට දිවෙන ස්නායු ප්‍රමාණය,කනේ සිට මොළයට දිවෙන ස්නායු ප්‍රමාණය මෙන් විසිපස් ගුණයකි.වචනවලට වඩා එක් පින්තුරයක් මගින් අතිප්‍රබල බලපෑමක් අපේ මනසට කළ හැකිය. මිනිසාගේ සිත සම්පුර්ණයෙන්ම ගනුදෙනු කරන්නේ පින්තුර සමගින්ය. පින්තුරයක් වචන දහසකට වඩා වටනේය යැයි පැරණි කියමනක්ද ඇත.සිග්මන් ෆ්‍රොයිඩ් මිනිසාගේ සිත අයිස් කන්දකට සමාන කර ඇත.මුහුදේ මතුපිටින් පෙනෙන්නේ අයිස් කන්දෙන් සුළු ප්‍රමාණයක් පමණයි.එය ප්‍රතිශතාත්මකව 10% කි.ඉතිරි 90% තිබෙන්නේ මුහුදු පතුළේය.අපගේ සිත කොටස් දෙකකට වෙන්කළ හැකිය.එය උඩු සිතසහ යටි සිත යනුවෙනි. අපි එදිනෙදා අපගේ සියලුම කාර්යයන් සිදු කරනු ලබන්නේ උඩුසිත සමගින්ය.උඩුසිත ක්‍රියාත්මක කරන්නේ යටිසිත මගින්ය.අපේ එදිනෙදා ජිවිතයේ දකින,අහන,අත්දකින සියල්ල අපගේ යටිසිතේ පටිගත වෙයි.එම පටිගත වෙච්ච සිදුවීම්වලට අනුව අපගේ යටිසිත අපගේ උඩුසිත මෙහෙයවයි.

මොහොතකට අපි පැරණි මිනිසා දැකපු සිතුවම් දෙසට සිත යොමුකර බලමු. සැමතැනම ගස්වැල් වලින් පිරිච්ච සුන්දර පරිසරයක්, මනුස්සකම සිත පුරාත් අව්‍යාජ සිනහව මුහුණ පුරාත් පුරවාගත් මිනිස් සංහතියක්, ළමා කාලය සතුටින් ගෙවන ළමා පරපුරක්. එයට හේතුව එම මිනිසුන් දැකපු සියලුම දසුන් ධනාත්මක වීමයි. එමෙන්ම ඔවුන් නිරහංකාරය, අව්‍යාජය, සෙනහසෙන් පිරුණු ප්‍රබෝධමත් මිනිසුන්ය. ඔවුන් ක්‍රෝධය, වෛරය, ඊර්ෂයාව, ද්‍රෝහිකම යනාදී කිසිම දෙයක් නොහඳුනයි. හේතුව ඔවුන් එවැනි දර්ශන දකින්නේ කලාතුරකින්ය. ඔවුන්ගේ සිත් පිරි තිබුනේ ධනාත්මක දර්ශන වලින්ය.

නමුත් වර්තමාන මිනිසාගේ ජිවන තත්වය දෙස මඳකට සිත යොමු කරමු.කොන්ක්‍රීට් වනාන්තරයෙන් පිරුණු පරිසරයක්. එම පරිසරය තුළ ක්‍රෝධය, වෛරය, ඊර්ෂියාව, කුහකකම, නොරිස්සුම, කනස්සල්ල ආදිය සිතේ සඟවාගෙන ව්‍යාජව සිනාසෙන මිනිස් පරපුරක්, ළමාවියේදීම වැඩිහිටියන් වීමට උත්සහ දරන ළමයි සංහතියක් ආදීයෙන් වූ ඍණාත්මක සිතුවම්ය.මෙසේ අතීත ධනාත්මක මිනිසා සිට වර්තමාන ඍණාත්මක මිනිසා දක්වා සමාජය පරිණාමය වුයේ කෙසේද? මෙයට හේතුව කුමක්ද? මෙලෙස ගියහොත් අපගේ සමාජයට යන කළදිසාව කුමක්ද?හිස් මොළයක් සහ හිස් මනසක් සහිතව මෙලොව එළිය දකින සිඟිත්තෙකු දෙසට මොහොතකට ඔබගේ අවධානය යොමු කරන්න. ඔහු කිසිවක් නොදනී. ඔහු මෙලොවට ආගන්තුකයකි. ඔහු දන්නේ එක දෙයක් පමණි එනම් ඇඩිමටය. ඉන්පසු ඔහුට මොන දේ වුවමනා වුනත් ඔහු කරන්නේ ඇඬ්ම පමණි. මෙසේ ඔහු තමාගේ ඇස්වලින් දකින දසුන්වලින් ඉගෙනගැනීමට පෙළඹෙයි. අපි කුඩා කල සිට ඉගෙනගත්තේ අනුන්ගේ ක්‍රියා දෙස බලාය.අපි කතාකරන්නට, කන්නට, බොන්නට සියල්ලම අපගේ දෙමව්පියන්ගෙන් ඉගෙනගත්තෙමු. ලිවීමට, කියවීමට අපි ගුරුවරුන්ගෙන් ඉගෙනගත්තෙමු. සෙල්ලම් කිරීමට, සෙනෙහස පෑමට අපි අපගේ සහෝදර සහෝදරියන්ගෙන් සහ මිතුරන්ගෙන් ඉගෙන ගත්තෙමු. මෙසේ අපි උගත් සියල්ලම අනුන්ගෙන් උගත් දේවල්ය. බොරු කීමට, හොරකම් කිරීමට යනාදී නරක පුරුදුත් අපි ඉගෙනගත්තේ අනුන් දෙස බලාය. එසේ නම් අනියම් සම්බන්දතා පැවැත්වීමට, අනුන්ගේ පවුල් කඩාකප්පල් කිරීමට, නැන්දම්මා සමග දබර කිරීමට යනාදී දේවල් අපි ඉගෙනගත්තේ කාගෙන්ද? මේවා කිරීමට අපගේ මාරගෝපදේශකය කව්රුන්ද? සරළම පිළිතුර රූපවාහිනියයි. ලෝකයේ සංවර්ධනය වෙමින් පවතින සෑම රටකම සිදු කරනු ලබන සිතුවිලි යුද්ධයට හේතුව ද රූපවාහිනියයි.

සිතන්නට යමක්

    බැඳීම් කියන්නේ ලොව සෑම දෙයකටම පොදු දෙයක්. විශ්වය බිහිවූ දා පටන් විශ්වයේ ඇති සෑම පාදාර්ථයක්ම ගුරුත්වාකාර්ෂණය යන ගුප්ත බලවේගය නිසා එකිනෙක බැඳී පවතිනවා ඒ භෞතික වශයෙන් පමණක් නොවෙයි මිනිසා ඇතුළු සතුන් සිතුවිලි වලින් ද බැඳීම් ඇති කරගන්නවා.

ඇතැම් අවස්ථාවන්හීදී මේ බැදීම් නිසාම,තමුන්ගෙ ඇහේ තියෙන පොල්  පරාලේ  දකිනවට වඩා අනුන්ගෙ ඇහේ තියෙන පොල් කෙන්ද දකින්න මිනිස්සු හරි කැමතියි,මනසින් උසස් කිව්වත් ඒ බහුතරයක් මිනිස්සුන්ගෙ හැටි..කොයි කවුරු අතිනුත් පුන්චි පුන්චි වැරදි වෙනවා,අත්වැරදීම් වෙනවා,එක එක්කෙනාට අනිත් අය අතින්  සිදුවෙන වැරදි අඩුපාඩු  වෙනස් ,ඒ නිසාම ඒ අයට අන්න්‍ය ආකාරයකට තේරුම් ගන්නව..ඒ දේවල් මිනිස් ජීවිතවල අසාමාන්‍ය සිදුවීම් නෙවෙයි..ඒත්..., අත්වැරදීමක් නොවෙන,හිතා මතාම කරන දෙයක් ,නිතර නිතරම සිදුවෙනව නම්?ඒ දේවල් නිසා අපේ හිත් රිදෙනවනම්??රිදෙන බව දැන දැනත් ඒ අය එකම දේ ආයෙ ආයෙත් කරනවනම්??..ඒවගේ වෙලාවක ඒ දෙවල් ගැන හිතෙන එක අපිට ආයාසයෙන්වත් කල යුතු,කරන්න අමාරු දෙයක්. ඒ වගේ හිත් රිදීමක් තියෙන කාලයක,ගත යුතු හොදම පියවර??

ඉවසීම..

කියන්න කෙනෙක් නැත්නම් බිත්තියකටවත් කියල හිත නිදහස් කරගෙන ඉවසීම.....රතුකට්ට පනිනකම්ම ඉවසීම..  එහෙමත් අමාරුවෙන් ඉවසල ඉවසල,අන්තිමේදි අපිට වැරදි කරන අය ,අපේ වැරදි කියගෙන ඇවිත් අපිටම බැනල යනවනම්???මොන දේටත් කලින් අපේ හිතට එන්නෙ පුදුම කේන්තියක්,ඒ නිසා අපි ඒ වෙලාවට මොනව කරන්නද කියල හිතන්න තියෙන ඉඩ කඩ අඩුවෙලා යනව..90%වෙලාවකදි අපි කේන්තියත් එක්ක බැනුමකින්ම හැමදේම ඉවර කරනව..ඊලග විනඩියේ හරි ඊලග දවසෙදි හරි අපිට හිතුනත් - අපරාදෙ අපි මෙහෙම ඉක්මන් උනේ,අපිට තව ටිකක් ඉවසන්න තිබුනනේ කියල,එතකොට අපි පරක්කු වැඩියි.. මේ බහුතරයක් මිනිස්සුන්ගෙ හැටි.‍එක එක අවස්තා වලදි හිතට එන තරහට ඉක්මන් උනාට,මුනේ හිනාවක් නැතුව-රවාගෙන -ඔරවගෙන -ගොරවගෙන ජීවත්වෙන එක ගොඩක් අමාරු දෙයක්.අපි මිනිස්සු, අපි දැන් තරහ වුනත් කවදා හරි ඉදිරි දවසක අපි මිනිස්සු විදිහට ආයෙත් මුන ගැහේවි.අන්න එදාටත් කට පුරා හිනාවෙලා මනුස්ස කමට කතකරන්න පුලුවන්නම් ඒක තමයි ලොකුම හපන්කම..

මතක තියාගන්න,තමන් කරන හොද,නරක තමන්ටම බව..

මනසින් උසස් මිනිසෙක් ලෙස -මිනිසුන් සමග සිනහව බෙදා හදාගන්න..

දුර්ලබ ගුන ඇති මිනිසෙකු වෙන්න.. 

                                              එයයි සැබෑ මිනිසත් බවේ ජයග්‍රහණය.

අස්වැන්න නෙළීමේ උත්සවය හෙවත් තෛයි- පොංගල්

      ස්වභාවධර්මයේ  ප්‍රධාන අංගය වන සූර්යයාට කෘතගුණ සැලසීම සඳහා සූර්ය වන්දනාව හෙවත් සූර්යයා නැමදීම නිමිත්ත කර ගනිමින් තෛයි- පොංගල් නමැති හින්දු උත්සවය  සෑම වර්ෂයකම ජනවාරි මස මැද හරියේ දී පැවැත්වේ.

මානව සමාජ ඉතිහාසයෙන් ඉතා ඈතට විහිදී යන මෙම උත්සවය ක්‍රි.පු 2500-1000 අතර කාලයේ බටහිර ආසියාවේ සිට ඉන්දියාවට පැමිණ එහි පදිංචි වූ ආරයයන්ගේ සමාජවල පැවති බව පිළිගැනේ. එහිදී තම අස්වනු පැසීම,වියළීම සහ එම කටයුතු කරගැනීම සඳහා යහපත් කාලගුණයක් ලබාදීම වෙනුවෙන් ගෞරව කිරීමක් වශයෙන් හිරු දෙවියන් පිදීම සිදුකර ඇත. හිරුගේ පිහිටෙන් ලබාගත් අස්වැන්න ප්‍රථම කොටස කෘතගුණ පූර්වකව එම දෙවියන්ට පිළිගන්වමින් " අනාගතයේ දී අපි මෙසේ ඔබ පුදන්නෙමු.ඒ නිසා අපගේ අස්වනු සරු කළ මැනවි" යන ඉල්ලීම පෙරදැරි කරගනිම්න් කටයුතු කරයි.

හින්දු භක්තිකයෝ තෛයි - පොංගල් උත්සවය සඳහා වසරක් වසරක් පාසා පූර්ව සූදානමින් කල් ගත කරයි.ඔවුන් උත්සව දින අලුයම පිබිදී කහ සහ තලතෙල් වැනි ද්‍රව්‍ය ශරීරයේ ගා ස්නානනය කොට උත්සවය පැවැත්වෙන කාමරයේ බිම සහල්, තල හා මුං ඇට බඳු ධාන්‍ය සහ කහ කුඩු ආදීය යොදා කෝලම් රටා අදියි.ඉන් නොනැවති නිවසේ පිට ස්ථානයක සෑදු ලිපක් මත තබා අලුත් සහල්, කජු,මුං,තල, හකුරු සහ එළකිරි යෙදූ කිරිබතක් පිස  ගනු ලැබේ. පොංගල් බත නමින් ද මෙය හඳුන්වයි. මල්,බුලත් හා සුවඳ ආදී ද්‍රව්‍ය සමඟ මෙම කිරිබත හිරු දෙවියන්ට පිදීමෙන් අනතුරුව සියලුදෙනා පිරිසිදු වතින් සැරසී කෝවිල වෙත ගොස් එහි පැවැත්වෙන ආගමික කටයුතුවලට සහභාගී වේ.

ගෘහවාසී ගවයන් සහ එළදෙනුන්ට විශේෂ සැලකීමක් දක්වමින් එම සතුන් වසන ගාල් ආදීය ප්‍රතිසංස්කරණය කොට පවිත්‍ර කිරීම,සතුන් නෑවීම,මල් මාලා හා කිංකිණී ආදීයෙන් සැරසීම මෙම උත්සවයේ පවතින තවත් විශේෂත්වයකි.

ශතවර්ෂ ගණනාවක් පුරා හින්දු සමාජවල අඛණ්ඩව පැවත එන තෛයි - පොංගල් උත්සවය හින්දු භක්තිකයන් පොදු බැම්මකින් බැඳලන ස්වභාවයකින් යුක්තවන්නා සේම හින්දු සංස්කෘතිකාංග මැනවින් විදහාපාලන උත්සවයකි.